Sancións: M. Juncal e José Ángel

M. Juncal un e José Ángel catro partidos de sanción
-

Despois do triste espectáculo dado polo árbitro o domingo pasado, xa coñecemos as sancións impostas pola Federación. M. Juncal, perderase o debut ligueiro do curso futbolístico 2009-2010, mentres que o seu irmán, José Ángel, non xogará nos catro primeiros encontros. Con estas dúas sancións a Federación Galega de Fútbol, "recaudará" vinte euros (catro por Marcos e dezaseis polo "capi").

Alberto Raña

Grazas Alberto

Alberto Raña, máis de dez anos de fiel servizo ao Sigüeiro Fútbol Clube

SIGÜEIRO 0 - LAMELA 2

O Sigu loitou ata o noventa

-

O Sigüeiro non logrou a milagre. O árbitro foi o protagonista ao "cargarse" os dous irmáns Juncal nunha mesma xogada

-

Remata a tempada 2008-2009 para o Sigu. A verdade é que aquí tiña que estar o fin; o Lamela é un moi bo conxunto que foi "amo e señor" da eliminatoria. Como xa ocorrera no encontro de ida, o partido foise en táboas ao descanso, pero á volta os nosos rivais mostraron superioriadade. O equipo pelexou por gañar, e iso, agradeceullo unha das bancadas con máis xente da tempada.

-

Foi Marcial quen se sentou no banco, ante a ausencia do míster, Lelo. O tan ansiado gol nos primeiros minutos do encontro, que nos podia voltar a meter na eliminatoria, non chegou e de feito non se deron oportunidades para que se producira; quizais a única foi un remate de cabeza de Samuel. A primeira metade resumese cun Sigu, que quería e non podía, fronte a un Lamela que conformábase con que o marcador non se movera.

-

O guión do comezo do segundo tempo, foi similar. Co paso dos minutos e ao ver que a remontada facíase cada vez máis díficil; os visitantes, sen nada que perder, viñéronse arriba en búsqueda da victoria no Lino Balado. Encontraron o primeiro gol, tras un erro árbitral: un atacante en claro fóra de xogo, colga un centro que lle bate na man a un dos nosos. O colexiado asubiou penalti e o Lamela non o desaproveitou. Xa coa eliminatoria resolta, chegou a mellor ocasión do Sigu, tivoa Óscar nun lanzamento que enviou á madeira. O número dez, intentouno durante todo o encontro, pero as cousas non lle sairon. A sentenza do partido, chegaba logo dunha "obra de arte" en forma de vaselina, que pasou por riba da testa de Álex, sen que este puidese facer nada. O árbitro parecía ter gañas de querer convertirse no protagonista do encontro e abofé que o conseguíu: M. Juncal comete falta no medio do campo e o colexiado ensinalle cartón amarelo. O trencilla di que é o segundo cartón amarelo de M. Juncal polo que lle mostra de inmediato o cartón vermello, aínda que M. Juncal insiste en que é a súa primeira tarxeta. Entón móntase unha pequena tángana, os nosos xogadores rodean ao colexiado, para protestar (con máis que razón) a inxustiza vivida, o colexiado armado cos seus cartóns, comeza a utilizalos, como se dunha metralladora se tratase. Esta "batalla" saldouse con dous expulsados: o xa nombrado M. Juncal, e o seu irmán, José Ángel. Dubidamos de que aínda agora o árbitro saiba a quen expulsou e o porqué, xa que foi tal o recital de cartóns, que asoma que José Ángel se dese por aludido á hora de enfilar cara os vestiarios.
-

-Orgullosos deste equipo

-

A verdade é que todos/as siareiros/as, podemos estar contentos de contar cos xogadores que temos, que apesares de que non cobran, son uns profesionais. Loitaron durante todo o encontro; primeiro para remontar a eliminatoria e logo para intentar gañar. Mesmo con nove no campo, quixeron seguir pelexando contra un equipo dunha categoria superior. Coa necesiade de marcar sete goles, o equipo seguía buscando a porta rival. Da gusto ver que no minuto oitenta e cinco, Toni bote unha carreira de máis de vinte metros, para intentar "cazar" un balón; que Óscar forzase para xogar este partido e correse durante todo o tempo que estivo no terreo de xogo; que Álex, estando mancado nun xeonllo, seguíse sacando e firmando unha eliminatoria esplendida. Sen dúbida algunha, un gran equipo.

-

Na foto: os dous irmáns Juncal (José Ángel, esqueda e Marcos, dereita) camiñan logo de que fosen expulsados.

-

O enlace da crónica feita por Lois (segundo adestrador do Lamela):

http://fclamela.blogspot.com/2009/05/volta-dos-18-de-final-copa-do-sar.html
-

O vídeo do primeiro gol do Lamela (tamén de Lois):

II Gala do deporte

Lino será homenaxeado

-

A figura do "presi", voltará a ser recordada o vindeiro venres. Lino será premiado na Segunda Gala do Deporte da Mancomunidade de Ordes, que se celebrará no hotel Os Carballos (Deixebre-Oroso). Para acudir á gala, haberá que estar previsto de invitación.

LAMELA 4 - SIGÜEIRO 0

Hai noventa minutos para arranxalo...

-

O Lamela golea a un Sigu que rematou con nove. Álex, foi a figura dos nosos. O Sigüeiro veuse abaixo a partir do descanso

-
Esperamos unha milagre o vindeiro domingo. O Sigu precisa de cinco tantos para pasar a eliminatoria e estamos seguros de que se pode conseguir. A verdade é que o Lamela foi superior, pero quizais non mostrou tanta superioridade como para gañar con tanta contundencia. Ao Sigüeiro faltoulle fortuna; M. Juncal tivo unha boa oportunidade co cero a cero e o colexiado non foi o suficientemente valiente como para expulsar a un rival aos cinco minutos do inicio.

-
Tivo que comezar o partido cun terreo de xogo en pésimas condicións, dos peores nos que o Sigu xogou esta tempada. Nos primeiros intres do partdo, o balón pouco tocou o chan, e vooaba sen dono polo ceo de Mularedos.

-

Aos cinco minutos, a xogada que tiña que revolucionar o encontro, pero non o fixo. Toni pelea un balón con Mario (central do Lamela e por desgraza, vello coñecido da afección vermella), ante a presión do atacante, o defensor fai uso do xogo sucio que o caracteriza, e propícialle un cobadazo no rostro ao noso dianteiro. Ante estas situacións, os colexiados teñen dous camiños que tomar; non pitar falta e facer que non viron a xogada ou ser correctos e mostrar o cartón vermello, por agresión. Pois non, o árbitro de onte tomou unha terceira vía e tan só mostrou a tarxeta amarela, declarando así que víu a xogada, pero que non ten a suficiente valentía como para expulsar a un xogador local. Co empate a ceros no marcador, M. Juncal tivo a única ocasións para os nosos en todo o partido. M. Juncal gañáralle as costas á defensa do Lamela, pero trabucouse á hora de intentar facerlle unha vaselina ao porteiro rival. A media hora de encontro, adiantaríanse os locais, logo de que un xogador do Lamela (Chicho) golpease un rexeite producido polo lanzamento dun compañeiro (Neira). Coa diferenza mínima no marcador, o encontro íase ao intermedio; e visto o que veu despois, tanto xogadores como siareiros/as firmarían o resultado encantado.

-

A volta do descanso, comezaron corenta e cinco minutos para olvidar, e que puideron ser moito peores se Álex non estivera tan seguro. O desorde defensivo e o nerviosismo dos xogadores do Sigu, foron os mellores aliados do Lamela na segunda metade. Na primeira parte, despois do gol, o Lamela baixou o ritmo e foi o Sigu o que dominou os derradeiros minutos da primeira; pero á volta do descanso esto non sucedeu. Nada máis dar comezo o segundo tempo, os locais incrementaron a distancia, cun bo tanto anotado por Neira. Novamente Neira, logo de regatear a varios dos nosos, poñía o terceiro. Pouco a pouco o Sigu facíase cada vez máis inmune e sería peor logo de que Xabi abandonase o campo ao ver o segundo cartón amarelo. O cuarto caía despois de que Álex non lograse parar un segundo lanzamento, logo dun intento de vaselina. Fran víase superado unha e outra vez pola súa marca; mostrábanlle o segundo cartón e deixaba ao Sigüeiro con nove.

-

O próximo domingo tratarase dun partido para golear, remontar e que sexa lembrado durante anos. Recordar que un gol nos dez primeiros minutos, poñerianos de novo na eliminatoria. Hai fe neste plantel.

-

Para ver a crónica feita por Lois (segundo adestrador do Lamela), só tes que picar aquí.

Oitavos de final da Copa do Sar

Lamela é a seguinte estación

O Lamela será o rival do Sigu en oitavos, logo de que gañase ao Taragoña (2-1). A pesares de ser un equipo da Primeira rexional, onte sufríu diante dun Segunda. Estivo perdendo cero a un e aínda que o Taragoña quedou con nove xogadores, o partido tívose que decidir na prórroga, onde o Lamela marcaría e o partido teriase que suspender, logo de dúas lesións do equipo visitante. O Lamela rematou a liga este pasado sábado, en oitavo lugar, polo que de aquí en diante centrarase no torneo copeiro. O partido de ida, o domingo en Mularedos (Lamela). Toda a actualidade do noso vindeiro rival en: fclamela.blogspot.com.

No resto da xornada copeira, destacar que os grandes candidatos sufriron máis da conta. A parte do xa mencionado Lamela; o Flavia (Preferente) e o Dubra (Preferente), gañaron pola mínima contra equipos claramente inferiores. A gran sorpresa da tarde, protagonizouna o Cordeiro (Segunda) que lle endosou unha "manita" ao Calo (Preferente).

SIGÜEIRO 3 - BRIÓN 0

En oitavos

-

O Brión perdoou na primeira metade e custoulle caro. Juan, M. Juncal e León, fixeron os goles. O Lamela ou o Taragoña, será o rival

-

Comezou o partido cun Brión agresivo, loitando por gañar o encontro. A verdade é que os visitantes foron os claros dominadores da primeira media hora de xogo. Tiveron ocasións para adiantarse. Aos dez minutos, Xabi quitaba un balón na mesma liña de gol, logo de que os nosos centrais e Álex non se comprenderan; a xogada remataba en polémica, xa que un xogador rival era derrubado na frontal da área e os rivais pediron a pena máxima, pero o árbitro decretou que a falta producírase fóra. O perigo visitante foi a menos, en varios golpeos de media distancia puideron marcar e estiveron a piques de facelo cun lanzamento de falta, que pasou moi preto da escadra. No minuto trinta e cinco, Amancio botaba unha falta dende a parte dereita, o porteiro erra no blocaxe e Juan envía ao fondo das redes o rexeite. De aqui ao final da primeira metade, dúas ocasións: unha para M. Juncal e outra na que un defensor visitante case lle da o segundo ao Sigu.

-

A volta do intermedio, o encontro estivo máis aborrecido, ata a recta final. O xogo estaba sen un dono claro e ningún dos dous equipos lograba chegar a porta rival. O Brión, non pasaba de tres cuartos de campo e o pouco perigo que xeraba o Sigüeiro, pasaba case sempre polas botas dun desequilibrante Óscar. Cando restaban cinco minutos para o fin, M. Juncal marcaba o gol da tranquilidade, despois de definir de forma perfecta diante do gardarredes visitante. Xa co tempo cumprido, o dorsal número dez do Brión puido recortar a distancia, pero non o conseguiría. Dous minutos por riba do tempo regulamentario, León, marcaba o terceiro, culminando unha contra de luxo.

-

Logo de derrotar hoxe ao Brión, o Sigu xa está entre os dezaseis equipos que pelexarán por levantar a Copa do Sar. O Sigu xogará co vencedor do Lamela-Taragoña; a ida disputarase o dezasete de maio en campo rival e a volta será no Lino Balado, o vinte e catro deste mesmo mes.

-

-Hoxe no SFC: Álex; Xabi, A. Raña, Fran (m. 87, Iván) e Amancio; José Ángel, Juan, Óscar (m. 81, Javi González) e Samuel (m. 71, León); M. Juncal (m. 85, Marcos Vigo) e Toni (m. 61, Munitis).

-

Segunda rolda da Copa do Sar

O Brión será o vindeiro rival

-

O Sigu xogarase o pase fronte ao Brión, que goleou ao A Baña. O Brión, ven de realizar unha boa tempada; acadou o ascenso á Segunda, xa que rematou segundo clasificado no mesmo grupo no que o ano pasado o Sigüeiro logrou ser subcampión. Se o Sigüeiro gañase esta fin de semana, veríase as caras co gañador do Lamela-Taragoña.

-

No resto da xornada copeira, destacar que: o Conxo case dá a sorpresa en Flavia (2-1), o Villestro caeu na casa do Silleda (2-1), o Chaián foi humillado polo Lamela no seu propio feudo (0-4) e que os nosos "amigos" de Deixebre non foron capaces de eliminar ao Taragoña (derrota a penaltis).

SIGÜEIRO FC 2008/2009

Se queres ter a foto sen letras e escudo, ponte en contacto con nós: info@colectivoesloveno.com.

SIGÜEIRO 2 - MONTAOS 0

Bye-bye, Montaos
-

O Sigüeiro "manda para a casa" ao Santa Cruz de Montaos, ás primeiras de cambio. José Ángel e Samuel, fixeron os goles

-

A reserva de xogadores de Lelo o pasado venres fronte ao Cacheiras, funcionou porque o Sigu, conseguíu eliminar ao Montaos na primeira ronda da Copa do Sar. Despois desta victoria o Sigüeiro espera o Brión ou o A Baña, dentro de sete días, no Lino Balado, tamén a partido único.
-

Comezou o encontro cun ritmo lento e sen apenas ocasións; anque o partido iría a máis. Na primeira metade pouco se pode destacar. Nos primeiros minutos, Javi González enviaría un balón ao traveseiro. Xa pasada a media hora de xogo, M. Juncal desaproveitaría unha boa oportunidade; perdía o balón diante do derradeiro defensor ao "liarse" no regate. Na recta final deste primeiro tempo, chegaba o único remate de certo perigo dos visitantes; producíase de cabeza, á saída dun cóner.

-

Nada máis dar comezo a segunda metade, golpeaba o Montaos coa mellor ocasión de todo o partido; remate no primeiro pao, despois dun centro dende a parte dereita. Perdoou o Santa Cruz de Montaos, pero José Ángel non; anotando un dos goles máis bonitos desta tempada, cun golpeo que se colou pola escadra dereita da porteria rival. A partir de aquí, o Sigu dominou máis e puido incrementar a ventaxe, cunha boa xogada individual de Óscar. Pero o segundo gol, non chegaría ata o trinta e cinco; centro dende a parte dereita e remate entre Samuel e un defensor, que despois duns momentos de incertidume, co balón polo aire, acabaría metendose no fondo da portería rival. Co dous a cero no marcador, o Montaos xa non dispararía a porta, anque si que reclamaría penalti, nunha man (parece involuntaría) na área do Sigu. Puido chegar o terceiro, pero o lanzamento de falta de Amancio, petaría no longueiro.

-

-Hoxe no SFC: Álex, Amancio, A. Raña, Fran, Xabi, Óscar (m.81, Iván), Munitis (m. 63, Samuel), José Ángel, Javi González (m. 54, Juan), León (m. 69, Toni) e M. Juncal (m.82, Marcos Vigo).

SIGÜEIRO 0 - CACHEIRAS 2

O Sigu remata sen puntuar

-

No derradeiro partido de liga, o Sigü non puntuou. Lelo decidíu economizar esforzos de cara ó tan próximo partido de Copa

-

Esta tarde o Sigüeiro xa pensaba máis no derbi do domingo, que en rematar con bo pé a liga. Por iso hoxe Lelo, decidíu dar entrada aos xogadores que menos minutos disfrutaron durante a tempada e deixou no banco aos homes considerados de máis peso.

-

Non transcurriran cinco minutos de partido e o Cacheiras xa se adiantara; facíao logo de que un home rematara só no primeiro pao tras un saque de banda. Despois do madrugador gol dos visitantes, o xogo foi sempre dominado por eles. Dez minutos máis tarde, enviarían un balón ao traveseiro, logo dunha volea dende a frontal da área. As poucas ocasións do encontro eran sempre para o equipo rival, tanto foi así, que o Sigu rematou a primeira metade sen gozar dunha oportunidade con certo perigo. Xa estaba o encontro para irse ao intemedio, cando o Cacheiras incrementaba a súa renda, cun tanto co exterior dende a parte dereita.

-

Para afrontar a segunda parte, Lelo puxo no campo a todos os homes que estaban no banco. Entraron: José Ángel, Óscar, León, Amancio e Munitis; e aínda que o xogo do equipo mellorou e gozou de máis ocasións, non foi suficiente para conseguir empatar o partido. O primeiro lanzamento a porta con perigo, estivo nas botas de Munitis, despois dunha entrada por banda dereita. Tamén José Ángel fixo intervir o porteiro rival cun lanzamento de falta. Novamente Munitis quedaríase ás portas do gol, despois de rematar de cabeza. O Sigüeiro non logrou aproveitar estas ocasións e xa na recta final do encontro o Cacheiras puido marcar o terceiro, pero a oportunidade perderíase a escasos centímetros do pao longueiro.

-

En tan só dous días, a vindeira cita. O billete para a segunda rolda da Copa do Sar, pasa polo Lino Balado. Ás seis da tarde fronte ao Santa Cruz de Montaos; nun partido a vida ou morte, quen caia derrotado estará fora da competición.

-

-Hoxe no SFC: Álex; A. Raña, Fran (m. 45, Amancio), Juan e Manu Regueiro; Iván (m. 45, Munitis), Marcos Vigo (m. 45, León), Javi González e M. Juncal (M. 45, José Ángel); Samuel (m. 45, Óscar) e Toni.