Undécima columna de Braulio

"Falta Maroño, pero hoxe non ven..." - Capítulo XI

-
Ás 14:00 do domingo acerqueime a xantar ó restaurante Mirás de Sigüeiro para degustar unhas troitas cos meus amigos Miguel, Manolo e cía. de Rodeiro, bo viño na mesa (o nunca ben ponderado Tarsus rva. 1999), boa conversación, anécdotas, “batallitas” e un sinfín de recordos da dureza dunha directiva de equipos humildes de fútbol afeccionado con recursos moi limitados, que si este ano queren pelexar por estar arriba… que que xogadorazo era “Estrella”, (actual adestrador do Cogalrodeiro, irmán do meta de Osasuna, Roberto Fernández)…, que hai anos perderan por catro no Lino Balado…, que se anulara un partido pola neve…, un pracer poder quedarse con amigos do paso por unha directiva, para a volta prometeron un cocido, daremos conta del sen ningún tipo de dúbida.

-
O partido na súa liña, xogamos mal, empezamos gañando e cando xa firmamos o resultado pois sorpréndennos, ou empatando, ou gañando (Laro por exemplo).Podería dicir mil cousas do xogo, pero deixo esa labor para o Colectivo, eu só quero destacar que nos partidos do Sigüeiro abúrrome, abúrrome moito, de non ser por unha promesa ó Colectivo de asistir e escribir esta columna, comezaría a pensar en algo que facer os domingos pola tarde… creo que é unha oportunidade única para crear unha afección, ata o de agora fixo bo tempo, non coincidiron partidos bos na tele, e os resultados acomapañaron… todo isto pouco a pouco vai caendo, os resultados colócannos na dura realidade unha vez máis, no medio da táboa, cando non se xoga ben é imposible ter tanta sorte como ata agora, o cambio de hora fará que os días duren menos e se aproveiten máis as horas de luz para outros labores, e non todas as xornadas hai Champions para que o Madrid e o Barça non sexan os domingos. Aviso a navegantes, o xogo co que cada tarde de domingo nos presentamos no Lino Balado só sería digno se o obxectivo da tempada fose a permanencia, se isto é así, non teño nada que dicir.

-

Braulio Veiga (ex-presidente do Sigüeiro FC).

SIGÜEIRO 1 - COGALRODEIRO 1

O Sigüeiro, por segunda xornada consecutiva, non puido conseguir os tres puntos. Desta vez, o Cogalrodeiro logrouse ir con vida ao descanso e empataría o encontro no segundo acto.

-

O resultado ao intermedio era dun gol a cero, logo de que Toni rematara de forma acrobática para abrir o marcador. Os nosos tiveron ocasións, pero o mesmo Toni erraría un man a man e Germán e Munitis quedáronse ás portas do tanto. Despois dos corenta e cinco minutos inicias, tras un erro defensivo de Amancio, empatáronos o partido (posiblemente en fóra de xogo) e mesmo o Cogalrodeiro puídolle dar a volta ao encontro, un minuto despois de poñer as táboas no marcador.
-
En liñas xerais, o partido foi aburrido, aínda que durante a primeira metade o Sigü gozou de máis ocasións das que normalmente xenera. Logo de non conseguir a victoria fronte ao que ata onte era terceiro clasificado, o Sigüeiro deixa de ser segundo e descende un posto. Para a vindeira semana, tócanos visitar ao líder, o Villestro.
-
-O SFC fronte ao Cogalrodeiro: Álex, Amancio (substituído por Manu Regueiro no minuto 59), Germán, Juan, Borxa, Munitis, Javi González (substituído por León no minuto 62), Xabi, José Ángel, Óscar (substituído por Jesús Carballido no minuto 73) e Toni (substituído por Marcos Vigo no minuto 73).
-
*Desculpas pola tardanza e a resumidísma crónica.
-
Para ver as fotos do encontro clica aquí.

LARO 2 - SIGÜEIRO 1

Tropezón inesperado
-
A pesar do golazo de Germán, o Sigü non puido evitar a derrota. Os nosos continúan segundos, xa que o San Mamede tamén "pinchou" en San Marcos

Perder nunca gusta, pero non resulta tan molesto cando ves na táboa clasificatoria que o Sigü aínda permanece en postos que lle permitan loitar polo ascenso e que só o Villestro continúa invicto. O ano pasado a estas alturas, os nosos non lograban gañar e sumaban unha xeira de moi malos resultados; entón visitounos o Laro e despois de 203 días sen gañar, conseguiríamolo (como o recollera Maldini ao día seguinte). Ata onte, os resultados eran á inversa aos do comezo do pasado curso futbolístico, dende maio sen perder en partido oficial, e como fai un ano, foi o Laro quen cortou a nosa xeira. Sabiamos que este momento tiña que chegar algún día. A amarga primeira derrota, sempre doe máis cas outras, pero nesta ocasión prolongouse ata a sétima xornada e quizais non nos resulte tan dura.

-
A anécdota do encontro estivo nas equipaxes dos nosos. O Sigüeiro non saltou ao campo de Laro vestido de vermello, senón de branco. Estreouse a segunda equipación, pensando que os locais seguirían vestindo coma nós, pero o Laro xa non viste de vermello, agora faino de negro. O novo traxe reserva do Sigü é o mesmo modelo que o primeiro, e decidíuse voltar ao branco na segunda equipación deixando de lado o azul celeste das últimas tempadas.
-
O primeiro gol do encontro non se fixo agardar. Antes dos dez minutos, Germán anotaría un dos que vai ser dos goles da tempada. O Kaiser, arrancaba co balón controlado dende máis atrás do medio do campo e dende a frontal da área, golpearía coa súa perna menos habitual un balón que remataría colándose pola escadra esquerda da porta local. Miroslav Djerman (que diría Braulio) firmou da mellor forma posible o primeiro gol dende que está no Sigü. A partir de aquí, a tónica de sempre: querer menos o balón e decidir pecharse cada vez máis. Desta vez non funcionou, marcamos cedo e o Laro (ao contrario do que lle sucedera ao San Marcos e Dubra B) tiña moito tempo por diante para intentar darlle a volta ao marcador. Os rivais chegaban, e cada vez con máis frecuencia e forza e como era de esperar "tanto vai o cántaro á fonte...", así foi, logo de que un rival lograra enviar ao fondo da porta de Álex unha pelota que procedía de varios rebotes previos. Un par de minutos antes de que nos empataran, un Óscar reconvertido en punta, puido trocar o guión do partido, senón fallara un man a man co meta local. Destacar que Juan tivo que entrar en substitución dun mancado Fran que non logrou continuar.
-
Á volta do descanso, o Laro baixaría a fecuencia de chegadas a nosa porta, pero aínda así gozaría dunha moi clara á saída dun córner tras o fallo nas marcas. Pouco despois chegaría o segundo tanto local, logo dun "globo" enviado dende a banda esquerda que se colaría na porta do Sigü, despois de pasar por enriba da testa de Álex. Os nosos atopábanse fóra de lugar e non creaban oportunidades; o perigo que xerou o Sigüeiro veu das botas de Munitis, que voltou a saír dende o banco. Desta vez non nos asubiaron penalti a favor, pero quizais por erro arbitral, xa que Óscar foi empurrado dentro da área, o colexiado interpretou como unha caída do Número Dez sen consecuencias para ningún dos dous bandos (nin penalti, nin cartón por simular).
-
Para a vindeira semana, agárdanos un verdadeiro partidazo. A visita do Cogalrodeiro produce un enfrontamento entre segundo e terceiro clasificado. A pesar da derrota de onte, todos e todas esperamos que non nos pase factura e que o equipo logre reencontrarse coa victoria o antes posible.
-
-O SFC fronte ao Laro: Álex; Amancio, Borxa, Germán e Fran (substituído por Juan); León (substituído por Munitis), Xabi, Javi II (substituído por Javi González) e Óscar; José Ángel e Marcos Vigo (substituído por Toni).

-

Para ver as fotografías do encontro clica aquí.

Décima semana de Braulio

"Falta Maroño, pero hoxe non ven..." - Capítulo X
-
Se a semana pasada reclamaba un mellor xogo por parte do noso equipo e a resposta foi xogar peor e gañar, pois que queredes que vos diga vexo moitas dúbidas no xogo, as cales me fan pensar na dificultade do ascenso, aínda que non nas de poder estar arriba ó final da liga. Non obstante quedareime mil veces antes coa actitude do clube,dos xogadores e mister, antes que o meu equipo se convirta nunha panda de mercenarios con mal perder coma o famoso Estudiantil, co seu polémico presidente á cabeza. Polo demais nada novo, só que esta vez non houbo inventos no medio do campo, que Amancio xogou no seu lado e que volveu a maxia de Budiño con Munitis, (incriblemente segue sen ser titular). O que cada vez me gusta máis e o chungo que o vai tendo Lelo para facer un once, posto que a xente está implicada, pero son cousas de adestradores, seguro que a el tamén lle gusta esa preocupación. Sae Marcos Vigo e marca un golazo, Munitis mellora o de León, Javi II, iguala o de Javier González, Álex cumple coma Diego, nunca se nota o cambio, e se se nota neste caso ata o de agora é para mellor. Por certo, para cando o debut do mediático Gil?. Esta semana toca o Laro, outra vez ó "quinto carallo" a xogar ó futbol, cando haberá unha liga de equipos da zona do Deza?,se son unha boa porrada deles, e cada día peores se cabe. O que quixera saber eu, é que foi do noso Maroño (10)?, éste non é igual, é que o cambiaron...

-

Braulio Veiga (ex-presidente do Sigüeiro FC).

O Pino-Laro (2-4)

O rival do domingo, acusado de aliñación indebida

-
O Laro, rival do Sigüeiro este fin de semana, foi acusado de utilizar unha aliñación con irregulariedades. O Pino, que caeu derrotado por dous goles a catro, presentou unha reclamación diante da Federación Galega de Fútbol, alegando unha ilegalidade de todas as fichas presentadas polo Clube Laro e en particular a de Ignacio Mosquera Rial (dorsal catorce), que remataría o encontro nos vestiarios logo de ser expulsado. O Laro terá cinco días (dende o pasado martes) para presentar as oportunas alegacións.

SIGÜEIRO 2 - DUBRA B 1

O Sigü volta a remontar
-
Por terceira vez nesta tempada, o Sigüeiro comezou abaixo no marcador. Marco Vigo empatou o encontro e José Ángel, novamente de penalti, culminou a remontada
-

Seis partidos, cinco victorias; este é o balance do Sigüeiro 09/10, de momento, tan só o Agolada logrou rabuñarlle dous puntos aos nosos. Logo das victorias fronte ao Cacheiras, San Marcos, Tabeirós e Vilatuxe, onte era o turno para gañar diante do filial do Dubra e o equipo conseguíuno, polo que xa suma dezaseis puntos e é o segundo clasificado.
-
Reseñar que onte todos os nosos xogadores saíron ao campo cunha banda negra no brazo e gardouse un minuto de silencio antes de iniciarse o encontro en lembranza ao falecido socio 43, Pedro Mirás Gómez (D.E.P.) e o ex-xogador, José Liñares Nouche (D.E.P.).
-
Tamén é de comentar que o cambio de horario do encontro (16.30 H, en lugar de 17 H ou 18 H, como nas dúas xornadas xogadas no Lino Balado) trouxo consigo a peor entrada no que vai de ano a pesar de estar o liderato en xogo. Esta tempada os/as siareiros/as están acudindo máis ao campo que o pasado ano, en consecuencia (supostamente) polos bos números que o equipo está a facer neste comezo de campionato.
-
No tocante ao que o fútbol se refire, o Sigüeiro iniciou da forma máis prometedora: pasando a pelota preto da frontal da área e golpeando con perigo nun par de ocasións. Aos cinco minutos, Toni tivo a primeira oportunidade para adiantarnos, pero a pelota perdeuse preto do ferro esquerdo. Dunha triangulación nacería un golpeo de Xabi, que se perdería cerca da escadra dereita da porta visitante. O fol dos primeiros compases de encontro estábase a perder e o rival comezaba a aparecer no campo. Despois de media hora practicamente sen oportunidades, prodúcese unha falta favorable ao Dubra na fronte da área vermella, que o dorsal número once non desaproveitaría para lanzala por riba da barreira e colala no fondo das redes de Álex. Co un a cero chegaríase ao descanso.
-
Á volta do intermedio, era o Dubra B quen controlaba os tempos do partido e no primeiro minuto de segundo acto puido incrementar a diferenza, de non ser que a pelota se marchara preto da porta de Álex. Lelo, atinaría unha vez máis á hora de poñer un revulsivo no terreo de xogo, desta foi Marcos Vigo que substitíu a Javi González e colocouse na punta de lanza xunto a Toni. Aos oito minutos de estar no campo, o de Berdía; controlaba, xirábase e tiraba dende a frontal da área para empatar o encontro (minuto 65). Deste xeito Marcos Vigo, remataba cunha longa xeira sen marcar, que estamos seguros que non se repetirá. Quince minutos despois, Óscar intérnase na área, gaña a liña de fondo e dá un pase atrás para Toni, que é derrubado polo gardameta. O árbitro sinalou o punto de penalti (dubidosa existencia) e José Ángel convertíu a pena máxima (minuto 80) (clica aquí, para ver o lanzamento). Con este, O Capitán suma cinco goles, dous deles dende os once metros (de tres penaltis que lanzou). Tanto antes como despois do lanzamento penal, os xogadores do Dubra non pararon de incriminar ao árbitro, aínda que este non amosou ningún cartón máis que o vermello ao delegado visitante. O Sigü rematou o encontro sen sufrir e mesmo puido "matar" o partido á contra. Xa cos xogadores nos vestiarios, dende as bancadas escoitáronse ruídos provintes de alí e aínda que non se víu nada parecíase ouvir unha pequena tángana.
-
O vindeiro domingo, o Sigüeiro terá un longo desprazamento ata Laro para enfrontarse ao noveno clasificado que hoxe gañou en O Pino por dous goles a catro.
-
- O SFC fronte ao Dubra B:
-
- Álex: víuselle bastante seguro e cómodo. En xeral un bo partido, sobrio, como se lle debe pedir a un porteiro, pero temos a dúbida de se no gol podería facer algo máis. Bo partido.

- Fran: víuse superado en algunhas fases do partido polos homes do Dubra B, que tiñan certa calidade individual. De todas formas, sempre está concentrado ao cen por cen e pelexa ata o final, así que non podemos facer máis que darlle as grazas. En xeral, a defensa estivo bastante ben.
-
- Germán: non sobresaíu como noutros partidos, pero dende logo é un seguro por tódalas cualidades que atesora. A defensa semella entenderse moi ben, e iso fai que a aportación de todos suba.
-
- Borxa: ao igual que Germán, Fran e Amancio, forma parte dunha defensa compenetrada, que non deixa ocos nin permite que lle gañen as costas. Moi seguro.
-
- Amancio: a todo o dito hai que engadirlle unha dose de pundonor que fai que teña certo favor das bancadas. Tivo un "pique" cun adversario na segunda parte que ben puido significar "algo máis" para ambos. Un sobresaínte para toda a defensa. Aínda así hai que mirar o tema do considerable desborde que sofren ás veces os nosos laterais.

- Xabi: como se viña dicindo nos últimos tempos, a súa presenza no medio campo é un alivio para José Ángel, O Capitán, ao que xa non se lle ve tanto correndo detrás do esférico, máis preocupado de tarefas ofensivas. Xabi estivo francamente ben na faceta defensiva, sobre todo tácticamente, xa que non deixou ocos e soubo meterse entre os centrais, dando aínda máis estabilidade á nosa defensa. Ofensivamente, desapercibido, pero é que tampouco é a súa área de acción.
-
- Javi González: con Xabi no medio defensivo, segue actuando como "home enganche" entre a defensa e a mediapunta, pero ocasionándolle esta tarefa menos desgaste. Moita forza e empeño, agradécese, aínda que non tivo un partido especialmente sobresaínte.
-
- José Ángel: baixou un pouco o nivel respeto as últimas xornadas no que a participación no xogo se refire, e iso traducíuse en que nalgúns intres de encontro, o partido foi un "correrrúas". Volveu marcar de penalti e xa son cinco os partidos consecutivos nos que o noso capitán consegue facerse un oco no marcador.
-
- León: sen facer un partido brillante, desta vez sí que tivo incidencia no xogo e deu osíxeno por banda. Puxo un par de bos balóns na área rival. Vai en liña ascendente.
-
- Óscar: algo anubrado por momentos, non lle saíron de todo as cousas. Aínda así tivo tempo de facer un par de boas internadas por banda, na segunda parte, que ben puideron darnos vantaxe. Nunha delas, puxo "a bola" ao primeiro pau para que Toni provocara penalti. Vai collendo tono e espérase máis del.
-
- Toni: moi illado arriba, conseguíu crear perigo en varias ocasións. Algún bo tiro e un penalti provocado, son a súa bagaxe da tarde de hoxe, que se pode calificar de positiva.

- Marcos Vigo (substituíndo a Javi González no minuto 57): desta vez as cousas saíronlle e púidose ver a un Marcos enchufado, que entraba en contacto cas xogadas e que levaría perigo ás inmediacións da área. Meteu un bo gol, nun disparo seco dende a frontal da área grande. Tivo algunha boa oportunidade máis e pódese dicir que fixo un gran partido, do mellor dos nosos.
-
- Munitis (sunstituíndo a León no minuto 60): non foi o revulsivo doutros días, pero este rapaz é todo coraxe e pundonor. Pelexando canto balón ve, incluso desborda e mete centros. É fantástico neste rol, pero tamén está pedindo a gritos a titularidade. Se o puxesen de meta, cumpliría seguro.
-
- Juan (substituíndo a Óscar no minuto 82): Lelo voltou a poñelo lonxe da súa zona de acción, desta vez de interior dereito. Xoga onde o poñan, pero na defensa ou incluso no medio defensivo.
-
- Javi II (substituíndo a Toni no minuto 85): sen tempo de ter incidencia no encontro. Entrou co partido rachado e co Dubra buscando o empate.

-

Para ver o álbum de fotografías do encontro, clica aquí.

Braulio na súa novena semana

"Falta Maroño, pero hoxe non ven..." - Capítulo IX
-

Só me perdín unha vez para chegar ao campo do Vilatuxe; recordo que no 96 visitei ese campo coas finadas Brigadas Vermellas nunha eliminatoria de copa, da Copa do Sar na que fatídicamente caímos en semifinais contra o San Mamede con roubo arbitral incluído
e posterior xuízo do árbitro e linieres contra o clube. O domingo, volvimos a gañar como hai 13 anos.
-
Na grada sentei ao lado de dous históricos, dous heroes do 97, que reciclados a outros deportes non se despistan do que nos ocorre cada domingo. A loita, poderío físico, entrega e sacrificio de Enrique Fandiño, e ao seu carón o home con máis partidos oficiais na historia do Sigu, José Antonio Veiga “Biurrun”… Os dous comentan o partido, alaban a claridade nas liñas do equipo, o bo posicionamento, o exquisito terreo de xogo de Vilatuxe, o mal trato que algúns lle dan á pelota, a sorprendente posta de Amancio no lateral dereito, a cantidade de balóns polos que ten que pelexar un Toni moi illado na dianteira, ou a boa acción do adestrador do Vilatuxe quitando ao porteiro local tras a agresión ao noso Capi. Bravo por eles, gústame ver aos nosos históricos ligados ao clube, cada semana no Lino Balado vexo ao mencionado Biurrun, a Maikel, a Carlos Rico, a Castro, a Nicolás, a Balsa, a Suso…
-

No tocante ao partido… buffff… que queredes que vos diga amigos, que me aburro moito na grada, que o xogo non é o mellor que poderiamos practicar, que a suposta “seguridade defensiva” non é tal, que cando nos poñemos por diante no marcador parece que acaba o partido … todo isto vai valendo mentres gañemos, pero o día que as cousas non saian … non sei que pode pasar. O domingo, mesmo estivemos tempo cun home máis ca o Vilatuxe e parecía que a superioridade tíñaa o equipo da comarca do Deza. Entendo o tema de defender ben, de manter a portería a cero, de que unha oportunidade sempre se ten…, de que no fútbol de hoxe trunfan homes coma Capello, Benítez, Mourinho…, ou incluso o de que tres puntos son tres puntos e non importa como, só me gustaría deixar para os blogueiros unha reflexión de colleita propia: “Supoñendo que técnicamente somos dos mellores da liga (Germán, Borja, José Angel, Tony, Javi, Paderne…), que fisicamente estamos coma motos (ver segunda parte partido contra San Marcos), que tácticamente plantamonos no campo ben. Por qué xogamos tan mal?.

-

Braulio Veiga (ex-presidente do Sigüeiro FC).

Outro penalti máis

José Ángel anota de penalti, aínda que logo o colexiado móstralle cartón amarelo por recibir unha agresión. Ver para crer.

VILATUXE 0 - SIGÜEIRO 1

Victoria dende os once metros
-
José Ángel anotou de penalti o único gol dun partido soso e sen ocasións. O Sigü sitúase terceiro empatado a puntos co segundo clasificado
-

Non foi un bo partido, nin o equipo xogou ben, pero volvéronse a conseguir os tres puntos e o Sigü, está a marcar o mellor comezo ligueiro dos últimos anos. O Sigüeiro non gozou de ocasións, pero aprobeitou un penalti para gañar contra un rival que nos complicou a vida aínda con dez xogadores.

-

Iniciou o encontro cun xogo moi trabado, onde só lograban chegar os locais mediante balóns aéreos en golpeos de faltas arredor do medio do campo. No minuto vinte, aproximadamente, prodúcese un claro penalti na área do Vilatuxe que o árbitro non se equivoca ao sinalalo; José Ángel, asumíu a responsabilidade a pesar de marrar unha pena máxima a pasada semana fronte ao Agolada. O Capitán transformou a gran penalidade e deseguido sufríu unha agresión do gardameta local, aínda que o colexiado non expulsou ao porteiro local e observou a xogada á perfección. Cando solucionemos uns problemas co servidor da canle de vídeos, Youtube, poderemos ver esta clara agresión e o posterior erro arbitral.

-

Aínda que o colexiado non, o adestrador local si que se dou conta da loucura do seu cancerbeiro e decidíu trocalo no intermedio. O recén entrado meta local, mostrou nos primeiros momentos do segundo acto, debilidades á hora de agarrar a pelota; a pena foi que o Sigüeiro non o lograse probar, xa que decidíu amarrar a mínima diferenza. Cando restaban vinte minutos para o fin do encontro, o Vilatuxe quedaríase cun xogador menos, logo da dubidosa expulsión dun local por unha entrada a un dos nosos xogadores. Con un máis, o Sigü non se botou adiante, pero sí saíu a contra con máis frecuencia aínda que con pouca efectividade. Destacar que Juan, xogou os derradeiros minutos de dianteiro centro, xa que foi substituído por Óscar e o troco tiña como obxectivo perder tempo e non atopar novas aportacións.

-

A vindeira cita co noso equipo, será o próximo domingo. En fronte, o Dubra B, que onte gañoulle ao O Pino e está situado como noveno clasificado.

-

-O SFC fronte ao Vilatuxe: Diego, Amancio, Manu Regueiro, Germán e Borxa; León, Javi González (substituído por Javi II), Xabi e José Ángel; Óscar (substituído por Juan) e Toni (substituído por Marcos Vigo).

-

Para ver as fotografías do encontro, clica aquí.

Braulio número 8

"Falta Maroño, pero hoxe non ven..." - Capítulo VIII
-

O pasado domingo paseino ben na grada do Lino Balado vendo como a afección (maioritariamente o Colectivo Esloveno) vacilaban a un "guaperillas" e a moza del rebotábase na grada toda crecha cara os "colectivos". Sen embargo, paseino mal vendo o xogo do equipo, imos a ver, non se espera que xoguemos coma o Dream Team ou a Quinta do Buitre, pero xa de entrada sorprendeume a aliñación, decoñezo os motivos de Lelo para plantexar o partido desa forma, pero como dende que chegou ao clube é un "tipo" serio e correcto, voulle conceder o beneficio da dúbida.

-

Bojensaker (Borxa) volveu a completar un bo partido e José Ángel nunha liña máis que correcta, que comeza a ser moi habitual, preocúpame a Sigü-dependecia depositada no capitán, teño medo a unha lesión ou a unha sanción... Manu Regueiro máis que correcto e Toni e Óscar, aínda que sen tempo, mostraron cousas interesantes, Álex sobrio e acertado e Amancio segue nervoso, pero ben. En liñas xerais todo o equipo ben, salvo os mediocentros Javi II e Paderne que semellaban non dar entrado no partido.

-

Destacar tamén que coa a inminete xornada de Champions, non había partidos interesantes de Primeira á mesma hora que no Lino Balado. Loitabamos polo liderato e iso favoreceu a afluencia de público unha xornada máis; esperemos que o frío e a choiva non estropeen a fermosura dunha bancada chea. Atención especial ao gran número de "femias" que move o Agolada. Para o vindeiro domingo, imos a Vilatuxe, outra vez ao "quinto carallo", polo que me informaron teñen bo campo, pero son uns homes anti-fútbol e incluso violentos, coidado non vaia a ser que agora que voveu Maroño, nolo "escarallen"...

-

Braulio Veiga (ex-presidente do Sigüeiro FC).

O eterno penalti...

Voltando a ver a xogada invalidada ao Agolada o pasado domingo e grazas aos comentarios da última entrada, dámonos conta que o colexiado non asubía fóra de xogo, senón que non da por bo o gol, porque hai un atacante (que terminará sendo o rematador) dentro da área cando é lanzada a pena máxima.

-

Ademais, o colexiado acerta de cheo, xa que a grande penalidade non se debe repetir, aplicando as normas do fútbol, o Sigü tiña (e así o fixo) botar un libre indirecto.

-

Rastreando pola rede, atopamos na páxina http://www.elfutbolin.com/, o seguinte:

-

"Un compañeiro do executor do tiro penetra na área penal ou colócase diante do punto de penalti ou a menos de 9, 15 m: o árbitro permitirá que continue a xogada. Se o balón entra na meta, repetirase o tiro; se o balón non entra na meta, o árbitro parará o xogo e reanudará o encontro cun tiro libre indirecto a favor do equipo defensor; se o balón bate no gardameta, no traveseiro ou nun dos postes e é tocado por este xogador, o colexiado parará o partido e voltarase a xogar cun tiro libre indirecto favorable ao conxunto que defende".

-

-Os fotogramas da xogada:

-

-
1- No momento do golpeo, o xogador que rematará está claramente dentro da área.
2- O rematador empuxa o balón ao fondo das redes, case na área pequena.
3- O colexiado non levanta o brazo sinalando fóra de xogo, senón que asubía e indica o sucedido.

O postpartido: Sigüeiro vs. Agolada

Aquí o vídeo dos penaltis errados o pasado domingo. Nos primeiros segundo obsérvase a grande penalidade marrada polos visitantes; o lanzamento dende os once metros peta no ferro dereito da porta de Álex e o rexeitamento é aproveitado por un rival para mandar a pelota ao fondo das redes. A pesar da esporádica celebración, con pinchacarneiro incluído (fixarse na parte superior do vídeo) non foi suficiente para eludir a posición de fóra de xogo que sinalou o colexiado e polo tanto non dando por válido o gol. Nos derradeiros intres do vídeo, vese a segnda grande penalidade do encontro, na cal José Ángel enviaría a pelota a escasos centímetros do pau dereito da portería defendida polo meta do Agolada.

Tamén, noutro orde de cousas, queríamos aproveitar esta entrada para pedir desculpas polos cánticos saídos dende a parte da bancada na que estabamos situados o pasado domingo, insultando a un xogador rival. Entendemos toda crítica a este patético comportamento e aseguramos que non voltará a suceder. Reiteramos o perdón e pedimos zanxar o tema.

SIGÜEIRO 1 - AGOLADA 1

Empate nun partido complicado

-

Ambos conxuntos puidéronse levar os tres puntos. Ocasións nas dúas porterías e un penalti marrado por cada un

-

Todo apuntaba a unha nova victoria do Sigü. O/A siareiro/a estaba agardando conseguir de novo tres puntos que permitiran seguir tendo pleno no casilleiro. O clima acompañaba e unha boa entrada no Lino Balado facía unha tarde agradable para ver fútbol. Visitábanos un recén ascendido, que nin sequera goza de nome, Agolada, pero plantouse moi ben en Sigüeiro e desmostrou que ten algún xogador de certa calidade.

-

Comezou o encontro cun Agolada que sorprendeu aos nosos, varias ocasións de perigo e mesmo un balón ao pau. Co paso dos minutos o partido foise nivelando e o Sigü puídose adiantar en dúas acións moi boas, que serían neutralizadas polo porteiro e polo pau respectivamente. Nos últimos dez minutos da primeira metade, producíase un córner na parte esquerda que acabaría no fondo das redes, logo do remate no primeiro pau dun xogador rival. O Sigüeiro foise cun resultado negativo ao intermedio e Lelo mandou a Javi González facer exercicios de quecemento para sustituilo a volta do descanso por un desdebuxado Javi II.

-

Nos primeiros minutos do segundo acto, o adestrador vermello, tamén decidíu dar entrada a Toni, Óscar e Xabi, que volvía a xogar despois de levar un tempo sen facelo. O Sigü mellorou, pero non trenzaba xogadas de medio campo para arriba. O Agolada puido finiquitar o encontro a redor do minuto sesenta e cinco, cando o colexiado asubía unha pena máxima inexistente, que por sorte para o noso equipo remataría en fóra de xogo, logo de que a pelota petara no ferro. Tan só tres minutos depois, o colexiado recompensaría ao Sigü ao señalar un penalti, de dubidosa existencia, tras unha caída de Óscar na área grande. O Capitán lanzou e fallou a grande penalidade, pero remendaría o seu erro ao enviar o balón ás redes visitantes, cun golpeo na área pequena tras un fallo do meta rival, poucos minutos despois. Os últimos quince minutos traducíronse nun querer e non poder, un Sigü esgotado non lograba chegar á porta rival e mesmo puido perder o encontro, cando nos derradeiro instantes o Agolada envía un balón ao traveseiro.

-

-De penlti en penalti:

-

En tres minutos o partido puido trocar de forma radical. Primeiro no lanzamento de penalti do Agolada, no cal de transformarse perdíanse todas as esperanzas de victoria vermella. O lanzamento da pena máxima asumiríao o polémico xogador número once, que quixo lanzar o penal para acto seguido celebralo coas bancadas do Lino Balado que o tivo marcado dende os primeiro minutos de xogo. Co Sigüeiro perdendo pola mínima, encontrábase cun penalti a favor que podía significar o empate inmediato e máis tempo por diante para lograr un segundo gol que significara a remontada. Pero o fútbol é caprichoso e ningunha das dúas penalidades rematou en celebración. A partir de mañá, poderase ver o vídeo de ambas accións.

-

A vindeira cita co Sigü, dentro de sete días, no campo do tamén recén ascendido Vilatuxe.

-

-Hoxe no SFC:

-

Álex; Amancio, Manu Regueiro, Borxa e Fran; León, Paderne (substituído no minuto 50, por Xabi), José Ángel, Javi II (substituído no minuto 45, por Javi González) e Jesús Carballido (substituído no minuto 52, por Toni); Marcos Vigo (substituído no minuto 55, por Óscar).

-

Para ver as fotografías do encontro, clica aquí.

Máis Braulio (columna 7)

"Falta Maroño, pero hoxe non ven..." - Capítulo VII

-

Vexo con emoción o repaso da selección española a Serbia no Europeo de baloncesto, e durante as celebracións dos xogadores contemplo con admiración, a deportividade, o compañeirismo e sobre todo o compromiso dunha xeración de ouro. Xa sei que as comparacións son odiosas, que aínda é moi pronto e que non van máis ca tres xornadas... Pero a similitude entre o grupo de Lelo e o de Scariolo é sorprendente. Durante o partido de Tabeirós (Serbia) vin a un colosal José Ángel (Pau Gasol), a un extraordinario Javi González (Garbajosa), destellos de calidade por tódolos lados dun máxico Óscar (Rudy Fernández) etc., etc. Pero voltando á dura realidade vexo que esta é unha semana dura de traballo, na que grazas a estos mozos, os siareiros que nos desprazamos a Tabeirós esta semana foi máis agradable e un pouco máis curta.

-

Braulio Veiga (ex-presidente do Sigüeiro FC).

TABEIRÓS 0 - SIGÜEIRO 2

O Sigü volta a cumprir

-

Nove de nove puntos posibles. Javi II e José Ángel anotaron os goles da victoria vermella nun dos campos en peor estado da liga

-

Volvía o Sigü ao lugar onde o ano pasado comezou a ver a luz da permanencia. A tempada pasada neste mesmo terreo de xogo debutaba Lelo e o Sigü levou os tres puntos de Tabeirós grazas aos goles de Samuel, Toni e Iván.

-

Este ano a historia é moi distinta. O Sigüeiro chegaba na tarde de hoxe a Tabeirós coa intención de levarse os tres puntos que lle permitan consolidarse na parte alta da clasificación dende as primeiras xornadas para o final, quen sabe, poder optar incluso ao ascenso.

-

O partido foi, con moito, o máis aburrido dos tres que levamos oficiais. Nun campo inpracticable onde a pelota non lograba circular e fronte a un conxunto de dubidosa "profesionalidade", xa que pasaron todo o encontro recriminándolle ao árbitro accións absurdas.

-

Para ver o primeiro lanzamento a porta do partido, tivemos que esperar máis de vinte minutos. A ocasión correu a cargo de León que golpeou dende fóra da área, pero a pelota perdeuse a un par de metros do pau dereito da porta do meta local. Pouco despois o lateral esquerdo do Tabeirós (que a quixo liar durante todo o xogo) pisotea a Toni, polo que o colexiado asubiou falta entre o pico da área e o córner; Borxa puxo o centro e Javi II remataba ao fondo das redes. O Sigü dominaba, pero non chegaba con moita frecuencia. O segundo gol non tardou en chegar, obra de José Ángel, quen regatearía a varios rivais e golpearía dende fóra da área grande para marcar o 0-2, que co paso do tempo sería definitivo. Reseñar, que a mellor ocasión do conxunto de Tabeirós sería un "disparo-despexe" dende campo propio que Álex botaría a córner logo dun bote complicado.

-

Se a primeira parte foi mala, a segunda conseguíu ser peor. Agora o Sigü anulara por completo a un rival que está moi limitado para practicar este deporte. Poucas ocasións para ambas escadras: para o Tabeirós, número redondo, cero; para nós, un par delas nas botas das substitucións do segundo acto, Munitis e Marcos Vigo. Boas novas para o Sigüeiro son as reaparicións de Paderne e Óscar, xa que ambos viñan de estar no dique seco por lesión. Con este panorama chegouse ao final do partido, un Sigüeiro que voltou da aldea de Tabeirós con tres puntos no peto (e xa suma nove) e coa sensación de facer as tarefas.

-

A vindeira cita será contra un recén ascendido, o Agolada, o próximo domingo vinte e sete de setembro no Lino Balado.

-

Por último destacar que este blog chegou a cifra de 50 mil visitas en menos dun ano. Só nos queda dar as grazas e seguir agardando aos habituais lectores/as deste site.

-

-Hoxe no SFC:

-

Álex; Fran, Germán (substituído por Manu Regueiro), Borxa e Amancio; Jesús Carballido (substituífo por Munitis), Javi González, Javi II (substituído por Paderne), Jose Ángel e León (substituído por Óscar); Toni (substituído por Marcos Vigo).

-

Para ver as fotos do partido, clica aquí.

Sexta semana de Braulio

"Falta Maroño, pero hoxe non ven..." - Capítulo VI

-

Tarde calurosa no Lino Balado, calurosa na temperatura externa e na interna do público e xogadores, partido no límite da legalidade... como me gustan!, o Colectivo Esloveno fervía nas bancadas de Sigüeiro e nun partido coma este, sempre axuda. Impresionante de novo Miroslav Djerman, só que na segunda parte estivo acompañado por Borxa, gras decubrimento como central, tipo duro, fútbol fácil... típico alemán, dende esta semana coñecereino como Borxensaker. Non me gustou o de M. Juncal, nin o de Lelo non cambiando ao pequeno de Pepe antes, parecía algo que se vía vir. Munitis estivo increible, sigue sendo o máis listo da clase. Manu Regueiro, fascinante, a este tío póñalo onde o poñas cumpre e sempre con nota, mellora co paso do tempo, como os bos viños. Toni moi loitador, batallador, peleón e pichichi. Imos ben, o resto dos xogadores nunha liña correcta e sobre todo con fe, creo que están convencidos do proxecto, e iso gústame, gústame moito. Agardo con impaciencia o viaxe a Tabeirós, coñazo de equipo e coñazo de campo, na federación non se darán conta de que este campo é moi lonxe?, por favor! que fagan dunha vez os grupos con lóxica e se deixen de favoreces aos "amiguitos". Socios: "Poñédevos as pilas!" e pasádevos por caixa que os carnés xa levan tempo á vosa disposición, o clube precisa "cash" como sempre e tampouco é tanto. Unha pequena crítica á directiva, o carné de socio deste ano é co fondo laranxa... Laranxa! a cor do Xuventude de Orroroso (ou algo así), home non creo que o carné do Real Madrid teña o fondo blaugrana na vida... Polo demais que esta fin de semana que deixemos de decir que falta Maroño, porque esta vez todo apunta a que voltará...

-

Na foto: Borxa, que debutou no Lino Balado o pasado domingo.

Sanción de M. Juncal

M. Juncal estará cinco partidos fóra

-

Xa coñecemos a sanción a M. Juncal, serán cinco partidos alonxado dos campos da Segunda Rexional. O motivo de tal sanción é o dobre cartón amarelo máis os empurróns ao colexiado. Polo que o pequeno dos irmáns Juncal, perderase os partidos fronte: Tabeirós, Agolada, Vilatuxe, Dubra B e Laro. Para ver a sanción na páxina web da Federación Galega de Fútbol, clica aquí.

SIGÜEIRO 2 - SAN MARCOS 1

Remontada a base de fe

-

Os goles de Toni e José Ángel evitaron que os tres puntos se escapasen de Sigüeiro. O esforzo sobrenatural do equipo obtivo recompensa no minuto oitenta e cinco

-

O encontro pometía e non defraudou. Boa entrada no Lino Balado e no terreo de xogo, enfrontábanse dous conxuntos que contaban por victorias os seus correspondentes debúts; o Sigü gañara por dous a cero a domicilio, mentres que o San Marcos goleou ao O Pino na casa (3-0).

-

Saíu un Sigüeiro disposto a todo fronte a un rival que se deixaba facer. A realidade é que non mostraron interese ningún en levarse os tres puntos; confomábanse co empate, e iso notouno o noso equipo que xogaba os primeiros compases en campo rival. Pero ao Sigü faltoulle algo de "chispa" que nin León por unha, nin Jesús Carballido pola outra, soubéronlle dar as bandas. Co paso dos minutos o San Marcos víñase máis arriba e Álex, onte na porta, tivo que intervir de forma meritoria para evitar o gol. Os visitantes "apretaban" e á media hora de partido atoparían petróleo cando o colexiado asubiaría un penalti máis que discutible, por un suposto agarrón dentro da área á saída dun saque de curruncho. Logo de que o capitán do San Marcos tranformara a grande penalidade (clica aquí para ver o gol), chegarían os minutos onde o Sigü o pasaría peor e puido encaixar algún gol rival. De aquí ata o descanso, o Sigüeiro só gozaría dunha ocasión na cabeza de Toni. E de destacar que M. Juncal, se marcharía para os vestiarios con cartón amarelo e un bo enfado.

-

No intermedio, Lelo dou entrada a Munitis no lugar de Jesús Carballido; e este troco resultaría importantísimo no transcurso do encontro. A volta do descanso o Sigü pelexou polo partido ante os ánimos dos/as siareiros/as locais. Con máis corazón que xogo, os nosos pelexaban cada balón dividido, baixaban canto balón aéreo había e facían todo desmarque posible. Gozaríamos de dúas boas ocasión para empatar o partido, unha de Toni e outra de José Ángel. Cada vez máis, o Sigü atacaba con máis forza e sería o killer Toni no minuto sesenta e cinco quen recibiría un balón longo escorado na parte esquerda; empregaría o control para desfacerse dun defensor, recortaría cara ao centro e engancharía un sensacional disparo á cepa do poste contrario. O díficil estaba feito, aínda que dous minutos despois as cousas complicábanse, cando o árbitro amosáballe o segundo cartón amarelo e como lle pasara contra ao Lamela, M. Juncal perdería os papeis e empurraría ao trencilla... Xogando con dez, os nosos fixeron un esforzo aínda maior e continuaban a ser superiores a un equipo que "rabuñaba" segundos ao reloxo cando podía. Xa nos últimos cinco minutos nace dende a parte dereita unha "semi-contra" que se culminaría co centro de Munitis e o remate coa testa do Capi no primeiro pao, que firmaría a remontada. O 2-1 lucía no Lino Balado e xa só faltaba defendelo, ante un San Marcos ao que lle entraran as prisas: que xa non perdía tempo, que xa non desprazaba de forma ilegal o balón e que xa non provocaba como o estaba a facer. Buscaban coma tolos o gol (tras non facelo nos oitenta e cinco minutos anteriores) que non chegou, porque as veces no fútbol tamén se fai xustiza...

-

A vindeira estación é o campo do Tabeirós, que perdeu os dous partidos que leva disputados. O domingo pasado fronte ao Portomouro e onte contra O Pino.

-

-O SFC, un por un:

-

Álex - non tivo demasiado traballo. Non puido facer nada no gol ao ser de penalti e intervíu de boa maneria na primeira parte evitando que os visitantes se adiantaran.

-

Borxa - non se lle contabilizou nin un só erro en todo o encontro. Non se prodigou en ataque, pero en defensa é un baluarte.

-

Germán - estupendo partido no que só cometeu un erro de comunicacíon con Álex, que remataría nun libre indirecto por cesión. O Kaiser, é un auténtico seguro que ademais sabe como sacar a pelota, tanto en longo, como en curto.

-

Manu Regueiro - partidazo de Manu, que comezou no centro da defensa e rematou moito máis adiantado. Está consolidándose como central e isto é unha moi boa nova, trala baixa de Xabi.

-

Amancio - cumpríu sobradamente. Sen lucirse, pero sen erros. Contundente no despexe e sen complicacións.

-

Javi González - desaparecido en ataque, pero ben en defensa. Onte non foi o seu partido e mostrouse lonxe do que normalmente fai.

-

José Ángel - o capitán comandou ao equipo durante todo o partido. Clave sobretodo na segunda metade, incluso chegou a porta en varias ocasións.

-

Jesús Carballido - debutaba no Lino Balado coa camisola do verdadeiro clube da vila, intentouno, pero as cousas non lle sairon. Pode dar moito máis de si e demostrouno fai oito días en Cacheiras.

-

León - ao igual que Jesús, non logrou meterse no partido durante a hora que estivo no campo.

-

M. Juncal - dende o ecuador do primeiro acto estivo fóra do encontro. Os roces cos rivais acabarían por derivar en expulsión. Ademais todo apunta que estará varios partidos sancionados...

-

Toni - inmenso. Na primeira parte foi o máis metido no encontro e na segunda parte realizou un esforzo físico brutal. As bancadas recoñeceron o seu labor cando foi substituido.

-

Munitis - entrou á volta do descanso en lugar de Jesús Carballido. Foi o auténtico revulsivo pelexando todos os balóns e levando peso no ataque.

-

Fran - substituído por Javi González aos sesenta minutos. Cumpríu á perfección e non puxo problemas á hora de poñer a pelota no ar, para despexar o perigo.

-

Javi II - cambiado por León aos sesenta e cinco minutos de xogo. Nótase que sabe tocar a pelota, pero onte non logrou coller o ritmo do encontro.

-

Marcos Vigo - trocado por Toni no minuto oitenta. Non encontrou a pelota e non estivo no campo o tempo suficiente como para gozar dalgunha ocasión.

-

Para ver as fotos do partido, clica aquí.

Nova columna do "ex-presi"

"Falta Maroño, pero hoxe non ven..." - Capítulo V

-

Saio ilusionado para Cacheiras, sen sector africano, pero ilusionado igualmente. A primeira xa ma dan na frente, 4 euros pola entrada, e sen consumición...; polo demais ben: mediáticos nas bancadas, os "tontos" de sempre meténdose co árbitro... dis que o do fenómeno do seu lateral non é expulsión?!... en fin, cero a dous en Cacheiras e andando. Un favorito ao que nos impuxemos con claridade (digo no resultado), porque na cancha foron algo superiores, sobre todo no inicio da segunda metade, pero grazas (en gran parte) ao Kaiser de Porto Avieira mantivemos a porta a cero. Dende hoxe para min xa non é Germán, chamareille Miroslav Djerman, que tivo un debut oficial impresionante. O resto do equipo ben, máis ou menos na liña do ano pasado, salvo dúas excepcións, que por ser excepcións, non as mencionaremos, pero si lembramos as palabras do máxico adestrador paraguaio "Chino Villalba": -Fulano, tu ayer estuviste follando, ¿no?... Sí es así nada que decir, pero sino.... ¿a que viene estar así de mamado?- pois o dito, seguiremos con atención as evolucións do xogo do equipo de Lelo. As fichaxes pódense acomplar con garantías ao once... Ah! e todavía falta Maroño, pero logo ven...

-

Braulio Veiga (ex-presidente do Sigüeiro FC).

CACHEIRAS 0 - SIGÜEIRO 2

Doblete de Toni dá a victoria

-

A sorte alíase co Sigü, para conseguir un debut de ensoño. Toni anotou os dous goles na recta final do encontro

-

O ano 2009 comezaba cun Sigüeiro que saía goleado de Cacheiras (3-0). Entón o equipo entablábase nos últimos postos da táboa clasificatoria e ninguén podía afirmar que o Sigü participaría en Segunda esta tempada. Oito meses despois as cousas trocaron moito; volviamos a Cacheiras, desta vez na primeira xornada de liga e aínda que non merecemos a victoria, o Sigü "sacou" tres puntos dun dos campos máis complicados do grupo e presenta a súa candidatura a loitar polo ascenso.

-

Estrenábase en partido oficial o novo céspede artificial do campo de Cacheiras e o sol acompañou durante todo o xogo. Boa entrada e mesmo a presenza do "mediático" Rubén ("futbolista" do Maiorca) que acudíu a ver ao seu irmán que voltou a facer das súas e remataría expulsado.

-

No primeiro acto, o partido disputouse no medio do campo e ambos equipos tiveron contadas ocasións; as poucas do Sigü foron de escaso perigo e pasaron polas botas do pequeno dos Juncal. O ritmo do partido foi cada vez a menos ata o descanso e só nos derradeiros minutos desta primeira metade o Cacheiras crearía incertidume de cara a porta de Diego.

-

Á volta do intermedio o guión cambiou: se antes non había un dominador claro da pelota, agora era o rival quen controlaba os tempos do partido. Os locais gozaron de dúas ocasións moi claras (das que é máis dificil errar que marcar) creadas por fallos dun irrecoñecible Diego, que normalmente non ten problemas para resolver accións deste tipo: un mal entendemento coa defensa e un erro na blocaxe, case lle costa ao Sigü o partido, pero hoxe a sorte sorríunos e a pelota non quixo entrar. Cando o Cacheiras mostraba máis superioriedade, Juan saca un balón largo dende o noso campo, Toni controla, métese na área, cruza o esférico diante do meta local e a pelota bate no pau antes de colarse no fondo das redes. Corría o minuto oitenta e sete e o Sigü adiantábase no marcador, parecía que de aquí ao fin a pelota non ía saír da área dos nosos, non obstante saíu ata en dúas ocasións: a primeira pola parte dereita nunha galopada de Toni que sería placada polo dorsal número tres (o irmán do xa mencionadao Rubén), que vería o cartón vermello directo; e a segunda noutra carreira de Toni pola mesma banda, cando xa pasaban dous minutos do tempo regulamentario, que acabaría co nove do Sigü celebrando o seu doblete, ao transformar o man a man.

-

Victoria pois, nun dos campos máis difíciles desta Segunda Autonómica G-5. A próxima cita, o domingo no Lino Balado fronte ao recén ascendido San Marcos.

-

-Hoxe no SFC: Diego; Fran, Germán, Manu Regueiro e Amancio (substituído por León); Munitis (susbtituído por Juan), José Ángel, Javi González (substituído por Javi II) e Borxa; Jesús Carballido (substituído por Toni) e Marcos Juncal.

-

Para ver o álbum de fotografías do encontro só tes que clicar aquí.

"Máxico" Deco e máis Braulio

Deco está co Sigüeiro

-

O internacional portugués, ex-xogador do Porto e Barça, agora militando no Chealsea, quíxose sumar ao Sigu posando cunha camisola do Colectivo Esloveno.

-

"Falta Maroño, pero hoxe non ven..." - Capítulo IV

-

Tal e como se puido ver no Torneo do Concello as cousas pintan moi ben de cara á nova tempada; falando do encontro contra o Deixebre, claro está que o rival non ten e nunca terá entidade suficiente como para que nos poidamos analizar en profundidade o estado do plantel. Non obstante, analicei tres puntos que me pareceron moi interesantes:

-

1. A fichaxe de Javi, apuntala o medio campo e fai que Jose Ángel se achegue máis ao dianteiro e para min mellora. Alí é onde formará un bo enganche co punta que presumiblemente será Óscar Maroño.

-

2. Borxa apurará a Amancio para que este non se relaxe e teña unha dura competencia polo lateral esquerdo.

-

3. Temos un fondo de armario bastante xeitoso, Lelo cun plantel máis longo e iso paréceme moi interesante. Na tempada hai moitos partido e todos fan falla. Con todo, aínda é cedo para analizar como imos estar este ano na táboa, pero a cousa apunta boas maneiras.

-

Por certo deixo unha pregunta no aire:

-

Onde está o sector africano que tanto ilusionaba?

-

Braulio Veiga (ex-presidente do Sigüeiro FC).

Mención na web do Concello

A páxina web do Concello de Oroso faise eco dos encontros disputados o pasado domingo no Lino Balado. Nela fálase da disputa do VII Torneo do Concello de Oroso e non do torneo do Sacramento, como dixéramos neste blog. Ademais recalcar que o encontro que disputou e goleou o Sigüeiro fronte ao Deixebre fai dous fins de semana, era válido para esta competición.

-

Outro detalle a destacar, é que dende o máximo órgano municipal non lle coñecen o nome ao equipo máis grande do Concello, xa que se fala dun tal FC Sigüeiro en lugar de Sigüeiro FC...

-
Para enlazar ca nova, clica aquí.

Torneo do Sacramento 2009

O Sigü faise co torneo do Sacramento

-

Un ano máis e como ven sendo habitual, o Sigüeiro fíxose co torneo que organiza o Concello de Oroso.

-

Ante a falta do Deixebre, completaron o cadro de equipos: o xuvenil do Xuventude de Oroso, os veteranos do Sigüeiro e os do Deixebre.

-

A primeira semifinal disputárona os dous equipos de veteranos, con victoria dos nosos por un a cero. Despois, chegou a victoria do Sigü na outra semifinal por 2-1. Na final disputada entre os dous equipos do mesmo clube, gañaron os máis xóvenes por tres a cero.

Calendario 2009/10

O Sigü debutará de forma oficial en Cacheiras

-

O Sigüeiro visitará Cacheiras na primeira xornada de liga. Rival complicado o que lle agarda ao noso equipo o vindeiro día seis de setembro. Os dous últimos enfrontamentos contra este equipo cóntanse por derrotas, na pasada tempada o Sigü saíu goleado fóra da casa (3-0) e no Lino Balado caeu por cero goles a dous.

-

Unha semana máis tarde, producirase o debut oficial no noso feudo, fronte ao recén ascendido San Marcos. Para ver os partidos máis esperados do ano, contra o Sta. Cruz de Montaos, teremos que agardar ata o vinte e dous de novembro (local) e ata o catorce de marzo (visitante).

-

A tempada pecharase no campo do San Mamede o día once de abril, rematando a competición case un mes antes que o pasado ano.

-

Para obter o teu calendario de peto, só tes que imprimir a imaxe.

-

Colectivo Esloveno descúlpase pola tardanza desta actualización, xa que o calendario coñécese dende o pasado día dezasete.

-
Para ver o resto do calendario da competición só tes que clicar aquí.

Reforzos?

"Falta Maroño, pero hoxe non ven..."- Capítulo III -

A quén fichamos? Dende hai uns días os mentideiros locais e as conversacións taberneiras transcorren sen pena nen gloria polo descoñecemento xeral da nova plantilla do Sigu, fálase de continuidade do bloque (boa metáfora para decir que non ven ninguén) ou de fichaxes de perfil baixo para reforzar o bloque (é dicir: homes malos, que "chupen" banqueta sen problema), pero xa digo isto son faladurías de tabernas. Non sabemos, a presentación oficial ante os siareiros aínda non se dou, e o único que houbo, foi unha pachanga co Dubra B a modo de adestramento, que por certo gañamos sen problema. A falta de información é un aspecto a reclamar por este humilde socio ante o Colectivo Esloveno, que parece que se tomou agosto de vacacións... (merecidas, nunca diremos o contrario...).

-
Agardo con impaciencia a presentación do equipo nese triangular, cuadrangular ou simplemente torneo festeiro co Xuventude, veterans e Deixebre, non creo que sexa o test máis fiable para recoñecer o estado do equipo (todo o que non sexa un "chorreo", defraudaranos) pero podemos empezar a intuir por onde vai levar Lelo o equipo ó longo do ano.

Obras do campo

As obras non rematarán ata xaneiro

-

A obra de ampliación do pavillón de Sigüeiro ten previsto o seu remate en xaneiro do vindeiro ano. A construción do novo recinto deportivo, está a causar unha situación caótica non só nos aledaños do Lino Balado, senón que mesmo no propio campo, que non para de sufrir actos bandálicos debido a facilidade para acceder a el. A verdade é que dende que o pavillón e o campo, carecen dunha persoa que traballe para manter a seguridade de ámbas as dúas instalacións, estas, non paran de padecer desperfectos. O orzamento para realizar a ampliación é de 1.041.314,60 €, e según se rumorea, dita ampliación estará orientada para a práctica do "xogo" do tenis de mesa dentro da ED Xuventude de Oroso.

-

Dende o punto de vista deportivo do noso clube, o equipo comezou o traballo o pasado luns e pronto veremos os primeiros tests de pretempada.

-

Logo do "capítulo piloto" da pasada semana, chega a segunda entrega:

-

"Falta Maroño, pero hoxe non ven..." - Capítulo I

-

Siareiros/as esta semena comezou a rodar o noso equipo. Durante un mes, os rapaces serán sometidos a un guión que xa saben de memoria e que Enrique de Budiño lles aplicou cando só eran infantís: PALIZÓN FÍSICO. Entendo perfectamente que un equipo que vai abusar da presión do xogo en longo e de levar os partidos a un aspecto físico, unha pretempada sexa destas características, non obstante gustaríame facer un leve chamamento dende estas liñas a quen corresponda para pedir que este ano coa categoría máis ou menos consolidada (ninguén pensa en apuros) o Sigü practique algo de xogo combinativo dado que os xogadores parecen estar capacitados. Simplemente é unha suxerencia dun socio, amante do clube e que ten morriña das tardes de gloria que vivíu no Lino Balado. Aínda non estou informado das novidades do plantel, pero sí que se rumorea nos mintideiros populares sobre a presenza exótica máis que efectiva dalgún africano no vestiario, se de verdade vai adiante só desexarlle sorte e esixirlle un sentimento polas cores que todos/as queremos.

-

Braulio Veiga (expresidente do Sigüeiro FC).

Novo enfoque

Boas novas e nova sección
-

Dende fai un par de días coñecemos dúas novas que son beneficiosas para a liga que disputa o Sigü. A primeira afecta ao sistema de ascensos, que trocará a súa forma; este ano o segundo clasificado xogará unha promoción (ida e volta) contra ao seu homólogo doutro grupo da Segunda Rexional. A segunda boa nova é con repecto á Copa do Sar, na que o vindeiro ano só poderán participar equipos de Primeira, Segunda e Terceira Autonómica; para evitar finais tan previsibles como a deste ano (Dubra-Flavia, ambos de Preferente).

-

A partires desta semana, esta páxina-blog terá unha nova sección. Titularase: "Falta Maroño, pero hoxe non ven..." e virá firmada por Braulio Veiga. Neste espazo, o expresidente do Sigüeiro Fútbol Clube, dará a súa opinión cada certo tempo (en principio, de forma semanal) sobre a actualidade do equipo.

-

Braulio, foi e segue sendo unha das "personaxes" deste blog dende a súa creación, fonte de aplausos e asubíos, as súas intervencións neste site nunca pasaron desapercibidas, e en plena etapa de pretempada, cando as novas escasean... Colectivo Esloveno preséntalles a todos/as os/as seus lectores un novo enfoque centrado na opinión dos/as siareiros/as.

-

Ti tamén podes colaborar contactando connosco: info@colectivoesloveno.com

-

"Falta Maroño, pero hoxe non ven..."- Capítulo 0

-

Boas siareiros/as:

-

Dende hoxe colaboro cos amigos do Colectivo para analizar semana a semana a actualidade do equipo. Non quixera que as críticas ou halagos que dende aquí se poidan verter en contra ou a favor de algún, os tomen por un lado personal, cometerá un grave erro.

-

Quixera non deixar pasar a oportunidade de felicitar ó clube pola súa xestión conxunta (deportiva e económica) durante o exercicio 2008-2009. Un cordial saúdo a todos e ¡adiante Sigüeiro!

Noticia do Tierras de Santiago

O grupo queda formado á falta da confirmación

-

Na última edición do Tierras de Santiago , publícanse os grupos para a tempada 2009/2010. Despois da asamblea de clubes, quedou listo o borrador, que será aprobado o vindeiro sábado na asamblea xeral da Federación Galega de Fútbol.

-

Fai un par de semanas, xa se coñecían todos os nomes dos posibles rivais do Sigu. Segundo informaba siguetuliga.com, o grupo estaría formado por dezanove equipos, algo que resultaba estraño ao ser un número impar. Daqueles conxuntos quedou fóra o Brión, que xogará no grupo cuarto da nosa mesma división. Por tanto a Segunda Autonómica G-5 queda formada por: Silleda, Villestro, San Mamede, Cacheiras, Portomouro, A Baña, SIGÜEIRO, O Pino, Santa Cruz de Montaos, Vea, Cogalrodeiro, Tabeirós, Laro, Dubra B, San Marcos, Agrupación Estudiantil, Vilatuxe e Agolada.

-

Por outra banda, a Asociación de Fútbol Afeccionado de Santiago e Comarca (AFASEC), fará varias propostas, entre as que destacan, a idea de trocar o formato da Copa do Sar (xogando só equipos de Primeira, Segunda e Terceira Autonómica) e a modificación do sistema de ascenso de Segunda a Primeira (ascendendo o campión e xogando unha promoción entre os segundos).

Reunión de socios/as

O futuro do clube, nas túas mans

-

O vindeiro día dez de xullo no Centro Cultural Fernando de Casas, de Sigüeiro, ás 21:30 horas, terá lugar a asamblea anual de socios/as do Sigüeiro Fútbol Clube. É beneficioso para o clube, que acudas se eres socio/a.

LIGA 2009/2010

Quen xogará na liga do Sigu a próxima tempada?

-

Según siguetuliga.com, os lugares que deixaron: Sp. Estrada, Tordoia, Recesende, Chaián, por descenso, Grixoa, por ascenso e Silleda B, pola baixada do primeiro equipo; serán ocupados por: Agolada, Agrupación Estudiantil, Brión, San Marcos, Silleda, Dubra B e Vilatuxe. Polo que chegaría un equipo máis, dos que se foron.

-

Estos sete equipos sumados aos que xa estaban: A Baña, San Mamede, Laro, Portomouro, Cogalrodeiro, Sta. Cruz de Montaos, Cacheiras, O Pino, Villestro, Tabeirós, Vea e SIGÜEIRO; formarían a Segunda Autonómica G-5, según o portal web, Sigue Tu Liga.

-

De seren certas estas informacións, o grupo pasaría de dezaoito a dezanove conxuntos. O calendario coñecerémolo na segunda quincena do mes de agosto.

Escollido o MVP

José Ángel escollido como o xogador do ano

-
Cun 22% dos votos da enquisa, José Ángel foi escollido como xogador máis valioso da tempada 2008-2009. O segundo posto foi para Óscar (cun 16%) e o terceiro caixón do podio quedou para Xabi (9%).
-
Foron contados todos os votos enviados ata as 00.00 do día 20 de xuño de 2009. Para dar máis realismo á enquisa só se contaron tres votos por minuto.
-
Os resultados:

MVP da tempada

Buscando ao mellor xogador da tempada

-

Comenzan as votacións para encontrar ao xogador máis valioso do ano. Para votar só tes que seleccionar ao teu favorito e picar en "Enviar", no cadro que está ao fin desta entrada. O día vinte deste mes, coñeceremolo gañador.

Sancións: M. Juncal e José Ángel

M. Juncal un e José Ángel catro partidos de sanción
-

Despois do triste espectáculo dado polo árbitro o domingo pasado, xa coñecemos as sancións impostas pola Federación. M. Juncal, perderase o debut ligueiro do curso futbolístico 2009-2010, mentres que o seu irmán, José Ángel, non xogará nos catro primeiros encontros. Con estas dúas sancións a Federación Galega de Fútbol, "recaudará" vinte euros (catro por Marcos e dezaseis polo "capi").