"Non colaborei co Sigüeiro FC porque non mo pediu ninguén"-
Onte na páxina do segundo equipo con máis siareiros/as do Concello de Oroso, a Escola Deportiva Xuventude de Oroso, publicouse unha entrevista ó presidente desta escola, Luís Rey. Días atrás, esta páxina, anunciou a entrevista e pedía os/as seus lectores/as, que lle enviasen preguntas, para dita entrevista; polo que Colectivo Esloveno decidiu facelo.
Nestas preguntas, Luís Rey, admite que lle gustaría unha unión entre SFC e EDXO, así coma que nunca colaborou co noso clube, porque ninguén llo pediu. Di coñecer unha cuarta parte da historia do Sigu (os últimos quince anos) e que dentro da Escola que el dirixe, non existen e nunca existiron, fins políticos.
Dende aquí, agradecemos tanto á Escola Deportiva Xuventude de Oroso, como a Luís Rey, por deixarnos colaborar coa súa páxina web.
-A continuación deixamos aquí as preguntas que Colectivo Esloveno, lle fixo ó entrevistado:
Que coñece vostede da historia do clube con máis siareir@s do Concello de Oroso, o Sigüeiro Fútbol Clube?
Pois coñezo a historia dos últimos 15 anos que é o tempo que eu levo aquí. Despois sei algunhas cousas anteriores, que a xente me foi comentando.
Por que non colaborou vostede co Sigüeiro FC e decidiu poñerse ó fronte dun equipo recén creado?
Non colaborei co Sigüeiro porque non mo pediu ninguén das directivas que houbo. Se non, non houbera tido ningún problema en colaborar porque me gusta o fútbol e o deporte en xeral e porque síntome orgulloso, aínda que veña doutro concello, de vivir en Sigüeiro e no Concello de Oroso e todo canto eu poida facer por esta terra que tan ben me acolleu, fareino.Teño tamén que dicir que a idea do proxecto de crear unha escola para nenos que quixeran facer deporte non foi miña. A min pedíronme para axudar e prestei a miña colaboración. O de ser presidente tampouco era a miña intención, pero ó final entre todos os demais directivos convencéronme.
Por que non acepta unha unión Sigüeiro FC-Xuventude de Oroso, coa denominación de Sigüeiro FC, se é o equipo con máis tradición?
Dende a miña posición de presidente e eu persoalmente, gustaríame que houbese esa unión, que tería que ser valorada conxuntamente polas dúas directivas e consultalo cos distintos socios das entidades. Dende a miña opinión, deberíase traballar cos nenos ata xuvenís no formato de escola e prendizaxe, e despois ter como mínimo dous equipos senior; un denominado B que daría saída a toda a canteira e un A para alcanzar as cotas mais altas posibles e ter un gran equipo formado nas canteiras.
Respondendo á pregunta, eu persoalmente xamais me neguei a falar do tema.
Moit@s siareir@s afirman que a directiva da EDXO ten finalidades políticas. Existen este tipo de fins?
Iso é totalmente falso. Dentro da directiva cada un de nós ten as súas afinidades políticas, como calquera cidadán da rúa. Pero do que estou seguro é de que ningún directivo desta escola utilizou a Escola para beneficiarse persoalmente ou beneficiar a algún partido político.
Pois coñezo a historia dos últimos 15 anos que é o tempo que eu levo aquí. Despois sei algunhas cousas anteriores, que a xente me foi comentando.
Por que non colaborou vostede co Sigüeiro FC e decidiu poñerse ó fronte dun equipo recén creado?
Non colaborei co Sigüeiro porque non mo pediu ninguén das directivas que houbo. Se non, non houbera tido ningún problema en colaborar porque me gusta o fútbol e o deporte en xeral e porque síntome orgulloso, aínda que veña doutro concello, de vivir en Sigüeiro e no Concello de Oroso e todo canto eu poida facer por esta terra que tan ben me acolleu, fareino.Teño tamén que dicir que a idea do proxecto de crear unha escola para nenos que quixeran facer deporte non foi miña. A min pedíronme para axudar e prestei a miña colaboración. O de ser presidente tampouco era a miña intención, pero ó final entre todos os demais directivos convencéronme.
Por que non acepta unha unión Sigüeiro FC-Xuventude de Oroso, coa denominación de Sigüeiro FC, se é o equipo con máis tradición?
Dende a miña posición de presidente e eu persoalmente, gustaríame que houbese esa unión, que tería que ser valorada conxuntamente polas dúas directivas e consultalo cos distintos socios das entidades. Dende a miña opinión, deberíase traballar cos nenos ata xuvenís no formato de escola e prendizaxe, e despois ter como mínimo dous equipos senior; un denominado B que daría saída a toda a canteira e un A para alcanzar as cotas mais altas posibles e ter un gran equipo formado nas canteiras.
Respondendo á pregunta, eu persoalmente xamais me neguei a falar do tema.
Moit@s siareir@s afirman que a directiva da EDXO ten finalidades políticas. Existen este tipo de fins?
Iso é totalmente falso. Dentro da directiva cada un de nós ten as súas afinidades políticas, como calquera cidadán da rúa. Pero do que estou seguro é de que ningún directivo desta escola utilizou a Escola para beneficiarse persoalmente ou beneficiar a algún partido político.
Na foto grande: Luís Rey (de camisa negra), acompañado polo alcalde do Concello de Oroso; Manuel Mirás Franqueira. Fonte: páxina web oficial da Escola Deportiva Xuventude de Oroso.
Na foto pequena: Luís Rey, nunha intervención, durante un mitin. Fonte: páxina web oficial do PSdeG-PSOE.
