SAN MAMEDE 2 - SIGÜEIRO 0

Novo tropezo

O Sigüeiro voltou a caer derrotado nun partido, no que Álex zafouno da goleada. Sen ocasións, aguantou o empate ata ó ecuador da segunda metade, cando chegou o primeiro dos locais.

-

Onte enfrontouse a un dos grandes da categoría, o San Mamede, cuarto clasificado. Cos precedentes da ida, onde ó Sigu escapáranselle os tres puntos nos últimos minutos, despois de remontar naquel encontro.

-

Comezou o partido sen un dono fixo do esférico, pero sí sendo os locais quenes parecían exercer máis dominio sobre o xogo. Nesta primeira metade tería que abandoar o campo Paderne, e despois Samuel, logo de mancarse nun nocello; entón Lelo daría entrada a Marcos Vigo, polo primeiro, e a Munitis, polo segundo. Álex, onte na porta, lograría manter as táboas ata o descanso, ó realizar dúas paradas de "quitarse o sombreiro".

-

Cando dou principio a segunda parte, as forzas equiparáronse, ou cando menos, os rivais xa non chegaban con tanta frecuencia, como facían nos intres finais da primeira. Rondando o ecuador deste segundo tempo, un dianteiro do San Mamede, plantábase diante do noso gardarredes e cunha perfecta definición abría o marcador. Có un a cero, o Sigu reaccionaba e chegaban os mellores momentos do partido; un par de lanzamentos de lonxe, levarían perigo de cara a meta local e o árbitro equivocaríase, ó non sinalar a gran penalidade, logo dun derrubamento a Munitis dentro da área. Xa na recta final, o mesmo autor do gol saía á contra pola banda dereita e o seu centro era aproveitado por un compañeiro, no primeiro pao, para "matar" o encontro. De aquí ó final, ambos conxuntos deron o partido por "rematado" e apenas se produciron ocasións, só a destacar unha nova caída sobre Munitis, pero de menor claridade ca primeira.

-

Con esta novena derrota da tempada, o Sigüeiro está colocado décimo quinto, a un punto do Silleda B, que está situado un posto por riba. Ó final da liga, pode ser determinante a posición que acade o Silleda (A), xa que nestes intres está situado penúltimo na primeira autonómica G-1, e o seu descenso carrexaría o do seu filial.

-

De seguido o enlace da clasificacion do grupo 1, da primeira autonómica; liga do Silleda:

http://www.elcorreogallego.es/deportes/clasificaciones-deportivas/futbol-aficionado/ecg/grupo-1/idCategoria-12/ idResultadoDeportivo=6808

-

Para o vindeiro domingo, será A Baña, quen visite ó Lino Balado. Colocados no oitavo lugar da táboa clasificatoria, veñen de gañar ó O Pino nun partido de goles (4-3).